Maak 15:40 - Di Jamiekan Nyuu Testiment

⁴⁰ Som uman did tan op forda out a wach wa a gwaan. Uman laik Mieri Magdaliin, Mieri we a Jiemz an Juozif mada (Jiemz did yongga dan Juozif), an Saluomi did de de tu.

Maak 15:40 ပူးပေါင်းရင်းမြစ်များ

Matyu 10:3

Den yu did av Filip, Bartalimyuu, Tamas, Matyu — di taks kalekta, Jiemz — Alfiyos pikni, an Tadiyos.

Matyu 13:55

“Wiet! No di kyaapinta bwai dis? No Mieri im mada niem? An im breda dem a no Jiemz, Juozif, Saiman an Juudas?

Matyu 27:61

Mieri Magdaliin an di ada Mieri did a sidong de, kraas fram di tuum.

Matyu 28:1

Nou afta Sabat don, orli Sonde maanin, di fos die a di wiik kom, Mieri Magdaliin an di neks Mieri go fi go luk pan di tuum.

Maak 15:47

Mieri Magdaliin an di ada Mieri, Juozif mada, did si we Juozif did beri Jiizas badi.

Maak 16:1

Afta di Sabat, Mieri Magdaliin, Mieri Jiemz mada, an Saluomi bai som swiit spais fi go naint Jiizas badi.

Maak 16:9

Afta Jiizas kom bak alaiv pan di fos die a di wiik, di fos sumadi we im mek si im a Mieri Magdaliin, di uman we im did ron sevn diiman outa.

Luuk 19:3

Im did waahn fi si a uu Jiizas bi, bot chuu im did so shaat an kaaz di kroud did so big, im kudn si im.

Luuk 23:49

Bot di piipl dem we nuo Jiizas, an di uman dem we fala im fram Gyalalii, tan wan said a wach.

1 Korintiyan 9:5

Wi no av di rait fi tek uman we biliiv iina Gad an mek dem wi waif, an kyari dem roun wid wi, jos laik di ada apasl dem, di Laad breda an Siifas?

Gyalieshan 1:19

Wen mi de de mi si Jiemz, di Laad breda, bot mi neva si non a di ada apasl dem.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.