Maak 15:34 - Di Jamiekan Nyuu Testiment

³⁴ Wen it kech chrii aklak, Jiizas baal out loud loud, “Elowi, Elowi, lema sabaktanai?” Dat miin, “Mi Gad, mi Gad, wa mek yu lef mi an gaan?”

Maak 15:34 ပူးပေါင်းရင်းမြစ်များ

Matyu 27:46

Wen it kech bout chrii aklak, Jiizas shout out loud loud, “Eli, Eli, lema sabaktanai?” Dat miin, “Mi Gad, mi Gad, wa mek yu lef mi an gaan?”

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.

Aks 10:3

Wan die roun chrii aklak, Kaaniiliyos get wan vijan. Iina im vijan im si wan a Gad ienjel kom tu im. Di ienjel se tu im se, “Kaaniiliyos!”

Luuk 23:46

Jiizas baal out loud, “Faada, mi put mi spirit iina yu an.” Az Jiizas se dis so, im bluo im bret wan laas taim an ded.

Luuk 23:44

Nou a did bout migl die an di uol plies ton daak daak rait bak til bout chrii aklak.

Matyu 27:45

Nou fram migl die di uol plies get daak til chrii aklak.

Maak 15:25

A did nain aklak iina di maanin wen dem kil im pan di kraas.

Maak 15:35

Wen som a di piipl we did tan op de ier im, dem se, “Lisn, im a kaal fi Ilaija!”