Maak 15:16 - Di Jamiekan Nyuu Testiment

¹⁶ So di suoja dem liid im go iina di palis (dat a di govana yaad) an kaal op di ada suoja dem we iina dem gruup.

Maak 15:16 ပူးပေါင်းရင်းမြစ်များ

Jan 19:9

So im go bak iina im palis an aks Jiizas se, “Wich paat yu kom fram?” Bot Jiizas no ansa im.

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Aks 10:1

Nou yu did av wan man dong a Sesuriiya niem Kaaniiliyos. Im a did paat a wan big gruup a suoja we kom fram Itali, an im a did ed fi onjrid a dem.

Jan 18:33

Pailat den go bak iina di palis, im sen fi Jiizas an aks im se, “Yu a di Juu dem king?”

Maak 15:17

Dem put wa lang lang porpl jakit pan Jiizas, an wan kroun mek outa makabush pan im ed.

Jan 19:2

Dem tek makabush mek kroun put it pan im ed. Den, dem jres im op iina porpl ruob.