Maak 14:62 - Di Jamiekan Nyuu Testiment

⁶² “Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 14:62 ပူးပေါင်းရင်းမြစ်များ

Matyu 24:30

“Den, yu av sitn we mek evribadi nuo se di Man we Gad Pik a kom, piipl a-go si da sitn de op iina di ier, an piipl fram aal uova a-go staat baal. Dem a-go si di Man we Gad Pik a kom pan kloud we kom outa evn, an im a-go av powa, an wan brait brait lait we kom fram Gad a shain roun im.

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

Maak 13:26

“Den evribadi wi si di Man we Gad Pik a kom iina di kloud dem an im a-go av powa an wan brait brait lait a shain roun im.

Maak 15:2

So Pailat aks im se, “Yu a di Juu dem king?” Jiizas ansa im se, “A yu se so.”

Maak 16:19

Afta di Laad Jiizas don taak tu dem, Gad tek im op iina evn an mek im sidong a im rait-an-said.

Luuk 22:69

Fram nou aan, di Man we Gad Pik a-go sidong a di rait an a Gad, we powaful.”

Luuk 23:3

Pailat aks Jiizas se, “Yu a di Juu dem king?” Jiizas ansa im se, “A yu se so.”

Iibruu 1:3

Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Iibruu 8:1

Nou dis a di mien sitn wi a se: Wi av wan liida fi priis we did sidong pan di rait-an-said a Gad chuon op iina evn.

Iibruu 8:10

Bot nou, afta dem die de, dis a di nyuu pramis we mi a mek wid di Izrel piipl dem, di Laad se. Mi a-go put mi laa dem iina dem ed an mi a-go rait dem dong pan dem aat. Mi a-go bi fi dem Gad, an dem a-go bi fi mi piipl dem.

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.