Maak 14:54 - Di Jamiekan Nyuu Testiment

⁵⁴ An Piita did de likl forda aaf a fala Jiizas aal di wie tu di liida fi di priis dem yaad. So Piita go sidong wich paat di gyaad dem de an did a mek di faiya kip im waam.

Maak 14:54 ပူးပေါင်းရင်းမြစ်များ

Jan 18:18

(Nou it did wel kuol, an so di sorvant dem an di ed priis gyaad dem did a tan op roun wan faiya we dem did mek fi kip dem waam. Piita did tan op de wid dem tu, a waam op imself.)

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Jan 18:25

Nou Saiman Piita did stil tan op a waam op imself, so di piipl dem roun di faiya aks im se, “Yu a no wan a im falara dem tu?” Bot im tel dem nuo. “Mi a no wan a dem,” im se.

Luuk 22:44

Jiizas did a sofa an dat mek im prie aada. Im swet komiin laik blod a jrap a grong.

Maak 14:38

No sliip! Kip wach an prie so unu no fies notn we wi kaaz unu fi sin. Kaaz iina unu aat unu waahn du wa rait bot unu a jos piipl an dat mek unu wiik.”

Matyu 26:58

Bot Piita did de likl forda aaf a fala Jiizas. Im fala im go aal di wie tu wich paat di liida fi di priis dem liv. Im go iin de an go sidong out iina di yaad wid di gyaad dem fi si wa a-go apm tu Jiizas.

Maak 14:66

Piita did stil de iina di yaad wen wan sliev gyal fi di liida fi di priis dem kom wich paat im de.

Luuk 22:54

Dem grab Jiizas, an tek im we go a di liida fi di priis dem ous. Piita fala dem bot no tuu kluos.