Maak 14:49 - Di Jamiekan Nyuu Testiment

⁴⁹ Die iin die out mi de mongks unu a tiich iina di yaad we Gad ous de, an unu neva ares mi. Bot dem sopm ya afi apm so wa rait dong iina Gad wod kyan kom chuu.”

Maak 14:49 ပူးပေါင်းရင်းမြစ်များ

Jan 18:20

“Mi taak fi evribadi ier mi,” Jiizas se tu im. “Mi tiich iina di Juu dem choch an iina di yaad we Gad ous de — we paat di Juu piipl dem miit op tugeda. Mi no aid an se notn.

Jan 8:2

Orli di neda maanin, im go baka di yaad we Gad ous de. Wen im riich de, uol iip a piipl bongl roun im, an im sidong an staat tiich dem.

Luuk 22:37

Mi a tel unu, it rait dong se, ‘An dem kaal out im niem wid aal di kriminal dem.’ Wa rait dong, afi apm. A mi it a taak bout an it a gwaan rait ya nou an it a-go don suun suun.”

Maak 12:35

Jiizas did a tiich iina di yaad we Gad ous de. Im se, “Ou kom di Laa tiicha dem se di Krais a Dievid pikni?

Matyu 26:56

Bot dis ya apm so wa di prafit dem se iina Gad wod kyan kom chuu.” Den aal a im speshal falara dem ron we lef im.

Matyu 26:54

Bot ef mi du dat, ou wa rait dong iina Gad wod, we se a so it fi go, wuda kom chuu, iihn?”

Matyu 1:22

Nou aal a dem sitn ya apm fi mek wa di Laad did tel di prafit fi se kom chuu.

Jan 10:23

an Jiizas did a waak roun Gad ous ieriya pan Salaman Puoch.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Jan 7:37

Pan di laas an bigis die a di Ot Alidie, Jiizas get op an baal out pan tap a im vais, “Ef nobadi torsti, mek dem kom tu mi fi sitn fi jringk.

Luuk 19:47

Evridie Jiizas tiich iina di yaad we Gad ous de. Di ed priis, di Laa tiicha dem an di liida dem tu, did a set fi kil im.

Maak 11:27

Jiizas an im falara dem go baka Jeruusilem. Wen Jiizas did a waak iina di yaad we Gad ous de, di ed priis, Laa tiicha an elda dem kom tu im

Matyu 26:55

Da taim de, Jiizas se tu di kroud a piipl se, “A kom unu kom wid suod an big tik fi ares mi laik se mi a oul tiif an mordara?” Die iin die out unu si mi iina di yaad we Gad ous de a tiich, an unu no ares mi.

Maak 10:1

Afta Jiizas lef we im did de, im go paas Riva Jaadn an go iina di Judiya ieriya. Nof piipl kom tu im agen. An laik im aalwiez du, im tiich dem.

Maak 14:48

Jiizas se tu di kroud se, “A kom unu kom wid suod an big tik fi ares mi laik mi a oul tiif an mordara?

Maak 14:50

Den aal a im speshal falara dem tek fut an ron we lef im.