Maak 14:41 - Di Jamiekan Nyuu Testiment

⁴¹ Wen Jiizas kom bak tu dem di tord taim, im aks dem se, “Unu stil a sliip an a res? Inof a dat! Di taim kom nou. Luk! Dem a-go sel out di Man we Gad pik an ton im uova tu di wikid piipl dem.

Maak 14:41 ပူးပေါင်းရင်းမြစ်များ

Maak 14:35

Den im go likl forda, jrap imself flat a grong an prie an beg Gad se, “Ef im no afi sofa dem torbl sitn ya, no mek mi sofa.”

Maak 9:31

kaaz im did a tiich im falara dem. Im tel dem se, “Sumadi a-go sel out Di Man we Gad Pik an gi im uova tu piipl we iet im. Dem a-go kil im, bot chrii die afta dat, im a-go kom bak alaiv.”

Jan 17:1

Afta Jiizas don se dem sitn ya, im luk op iina di skai an prie tu Gad se: “Faada, di taim kom nou. Shuo evribadi ou yu Bwai Pikni big an powaful, so im kyan shuo dem ou yu big an powaful.

Aks 7:52

Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Jan 12:27

“Mi aat evi, rait ya nou. An wa mi fi se? ‘Faada, no mek mi go chuu da sofarieshan ya?’ Nuo! A fi da sed riizn ya mi kom iina di worl — fi go chuu di sofarieshan we a kom.

Jan 12:23

Jiizas se tu dem se, “Di taim kom fi Gad shuo ou di Man we Gad pik big an powaful.

Jan 8:20

(Jiizas se dem sitn ya wen im did a tiich iina di yaad we Gad ous de, nier wich paat piipl jrap dem aafrin. An nobadi neehn uol im fi lak im op, kaa im taim neehn kom yet.)

Jan 7:30

Wen dem ier dis ya dem chrai fi grab im, bot nobadi no toch im, kaaz a neehn fi im taim fi dem kil im yet.

Maak 14:18

Wen dem did sidong a di tiebl an did a iit, Jiizas se tu dem se, “Mi a tel unu dis, an a chuu mi a taak, wan a unu we de ya a nyam wid mi a-go sel mi out.”

Maak 14:10

Juudas Iskyariyat, wan a di twelv falara dem, go tu di ed priis fi sel out Jiizas an ton im uova tu dem.

Maak 7:9

An im se, “Unu tingk unu so sumaat dat unu ton unu bak pan we Gad se unu fi du an se it no mata, so dat unu kyan fala wa unu faada faada dem se unu fi du.

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Maak 14:40

Wen im kom bak agen, im fain dem faas a sliip; dem kudn kip dem yai uopm an dem neva nuo wa fi se tu im.

Maak 14:42

Unu git op! Mek wi go nou. Luk! Si di wan we sel mi out a kom de.”