Maak 14:36 - Di Jamiekan Nyuu Testiment

³⁶ Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

Maak 14:36 ပူးပေါင်းရင်းမြစ်များ

Matyu 26:39

Jiizas go out likl forda an dash imself a grong, ton dong im fies an im prie. Im se, “Mi Faada, ef yu kyan dwi'it, du, tek da kop ya fram mi! Bot a no wa mi waahn stil, a wa yu waahn.”

Matyu 26:42

Im go we wan sekan taim go prie. Im se, “Mi Faada, ef dis a di onggl wie, an mi afi jringk fram da kop ya, den mi afi du wa yu waahn.”

Matyu 6:9

“So, a so unu fi prie: “‘Wi Faada we iina evn, mek piipl av nof rispek fi yu an yu niem.

Maak 10:27

Jiizas luk pan dem an se, “Wa piipl kyaahn du, Gad kyan du, kaaz notn no de we Gad kyaahn du.”

Maak 10:39

Dem se, “Ye, wi kyan du dat.” Den Jiizas se tu dem se, “Fi riil, unu a-go jringk fram di kop we mi jringk fram an baptaiz di siem wie mi get baptaiz,

Maak 14:37

Wen im go bak we im speshal falara dem de im fain dem a sliip, so im se tu Saiman Piita se, “Yu a sliip? Yu kudn kip wach fi wan owa?

Jan 12:27

“Mi aat evi, rait ya nou. An wa mi fi se? ‘Faada, no mek mi go chuu da sofarieshan ya?’ Nuo! A fi da sed riizn ya mi kom iina di worl — fi go chuu di sofarieshan we a kom.

Jan 18:11

Bot Jiizas se tu Piita se, “Put bak yu suod iina it kies! Mi no fi jringk outa di kop we mi Faada gi mi fi jringk outa? Mi no fi sofa?”

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 5:30

Mi kyaahn du a ting pan mi uon. Mi onggl joj piipl di wie mi Faada tel mi fi dwi'it, an mi dwi'it rait, kaa mi naa dwi'it fi mek miself api. Nuo! Mi dwi'it fi mek di wan we sen mi kom ya api.

Gyalieshan 4:6

An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

Filipiyan 2:8

An wen im du dat, im ombl imself an du aal we Faada Gad did waahn im fi du — im aal gi op im laif pan di kraas.

2 Timoti 2:13

Ef wi ton wi bak pan im, im stil naa ton im bak pan wi. Kaaz Jiizas Krais kyaahn gwaan laik im no nuo uu im bi.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.