Maak 14:21 - Di Jamiekan Nyuu Testiment

²¹ Kaaz di Man we Gad Pik mos go siem ou Gad wod se im a-go go, bot yu si di man we sel im out — chobl fi'im a tel yu! Im wuda betaraaf ef im neehn baan.”

Maak 14:21 ပူးပေါင်းရင်းမြစ်များ

Matyu 26:54

Bot ef mi du dat, ou wa rait dong iina Gad wod, we se a so it fi go, wuda kom chuu, iihn?”

Matyu 26:56

Bot dis ya apm so wa di prafit dem se iina Gad wod kyan kom chuu.” Den aal a im speshal falara dem ron we lef im.

Maak 14:20

Im se, “A wan outa di twelv a unu, wan a unu we a dip unu an iina di boul wid mi.

Maak 14:22

Wail dem did a nyam, Jiizas tek di bred an afta im gi tangks, im brok it an gi dem an se tu dem se, “Tek dis. Dis a mi badi.”

Maak 14:49

Die iin die out mi de mongks unu a tiich iina di yaad we Gad ous de, an unu neva ares mi. Bot dem sopm ya afi apm so wa rait dong iina Gad wod kyan kom chuu.”

Luuk 22:22

It don disaid aredi ou di Man we Gad Pik a-go ded bot chobl fi di wan we sel im out.”

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 19:28

Afta dis, wen Jiizas si se evriting we did fi apm did apm, im se, “Mi torsti.” Im did se dat so dat wa Gad wod se wuda kom chuu.

Aks 1:25

fi tek uova di apasl wok we Juudas did av. Kaaz Juudas get wa im dizorv.”

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Aks 4:27

Wi nuo fi shuor se a so it go, kaaz Erad, Ponchos Pailat, piipl we a no Juu, an di Izrel piipl miit op iina da siti ya an plan fi kil Jiizas, yu sorvant we uoli.