Maak 14:18 - Di Jamiekan Nyuu Testiment

¹⁸ Wen dem did sidong a di tiebl an did a iit, Jiizas se tu dem se, “Mi a tel unu dis, an a chuu mi a taak, wan a unu we de ya a nyam wid mi a-go sel mi out.”

Maak 14:18 ပူးပေါင်းရင်းမြစ်များ

Jan 6:70

Den Jiizas ansa bak an se, “No twelv a unu mi pik? An stil wan a unu a di devl uona self.”

Jan 6:47

Mi a tel unu fi chuu chuu: enibadi we chos iina mi gweehn liv fi eva.

Jan 13:38

Bot Jiizas se tu im se, “Yu wuda ded fi mi fi chuu? Mi naa lai yu, bot bifuo di ruusta kruo, yu gweehn se yu no nuo mi chrii taim!”

Jan 13:21

Wen Jiizas don se dis ya, im aat get evi an im se, “Fi chuu chuu mi a tel unu se, wan a unu gweehn sel mi out.”

Jan 6:32

So Jiizas se tu dem se, “Mi a tel unu fi chuu chuu: a no bred we kom fram outa evn Muoziz gi unu. Mi Faada a di wan we de gi unu di riil fuud fram outa evn.

Jan 6:26

So, Jiizas ansa dem an se, “Mi a-go tel unu sitn we chuu chuu: unu naa luk fi mi chuu unu si di big an powaful mirikl dem we unu si mi du. Nuo! Unu de luk fi mi kaa unu get fuud fi nyam unu beli ful.

Jan 5:19

So Jiizas tel dem se, “Mi de tel unu di chuut, di Bwai Pikni kyaahn du a ting pan im uon. Im onggl du wa im si'im Faada a du. Wat-eva di Faada du, di Bwai Pikni dwi'it tu.

Jan 3:11

Fi chuu chuu, mi a tel yu: wi taak bout di sitn dem we wi nuo bout, an wi taak bout di sitn dem we wi si fi wiself, bot unu piipl no tek wa wi se.

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

Jan 1:51

Den im se, “Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.”

Luuk 11:51

fram Iebl go rait dong tu Zakaraiya we dem kil bitwiin di alta wich paat dem bon sakrifais iina Gad ous. Yes mi a tel unu, di piipl dem fram da taim ya afi go ansa fi aal a dem.

Luuk 4:24

“Mek mi tel unu dis.” Jiizas se, “Non a di prafit dem neva get rispek fram di piipl dem we dem baan an gruo mongks.

Maak 14:25

Mi a tel unu di chuut, mi naa go jringk no muor wain til di die kom wen mi jringk it iina wan nyuu wie iina Gad kindom.”

Maak 14:9

Mi a tel unu dis, an mi naa lai, enitaim piipl priich di Gud Nyuuz roun di worl, dem a-go memba ar an taak bout wa shi du.”

Maak 10:29

Jiizas se, “Mi a tel unu di chuut, nobadi no de bout we lef dem ous, breda, sista, mada, faada, pikni, ar ous an lan fi mi an di Gud Nyuuz

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Maak 9:41

Mi a tel unu dis, an mi naa lai, enibadi we gi unu wan kop a waata kaaz unu bilang tu mi, boun fi get wa dem fi get.

Maak 9:1

Den im se tu dem se, “Mi a tel unu dis, an a chuu mi a taak, som a unu we tan op ya-so naa go ded bifuo di taim kom wen unu si Gad a ruul iina wan powaful wie.”

Maak 8:12

So Jiizas gi out wan evi evi sai an se, “Wa mek di piipl iina da taim ya aalwiez a luk fi wan sain? Mi a tel unu di chuut, unu naa go get no sain.”

Maak 6:11

Ef unu go iina wan ieriya an di piipl dem no tek unu iin ar no waahn ier wa unu av fi se, shiek di dos aafa unu fut wen unu a lef fi waan dem an fi shuo dem se Gad no api wid dem an im a-go joj dem.”

Maak 3:28

Mi a tel unu di chuut, piipl wi get paadn fi aal kain-a sin, iivn fi aal a di torbl sitn dem we dem se gens Gad.

Matyu 26:21

An wen dem de de a nyam a gwaan, im se tu dem se, “Mi tel unu dis, an a chuu mi a taak, wan a unu a-go sel mi out.”

Matyu 6:5

“Wen unu a prie, no gwaan laik di ipokrit dem, kaa dem lov tan op an prie iina di Juu dem choch yu no, an pan di kaana outa ruod, so piipl kyan si dem. Mek mi tel unu dis, an a chuu mi a taak: dem don get wa dem fi get aredi, an dem naa notn muo fi get fram faada Gad.

Matyu 6:2

“So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.

Matyu 5:18

Mek mi tel unu dis, an a chuu sitn mi a taak: evn an ort wuda afi mash op fos bifuo di liklis leta we mek op di Laa, ar iivn wan piis a wan a di leta dem, no miin notn agen. An bifuo dat kyan gwaan, evriting we fi apm, afi apm fos.

Jan 21:18

Mi a tel yu fi chuu chuu, wen yu did sumaala yu put aan yu uona kluoz an yu go eniwe yu waahn fi go, bot wen yu get uol yu gweehn chrech out yu an dem, an ada piipl gweehn put aan yu kluoz an tek yu go wich paat yu no waahn go.”

Matyu 6:16

“Wen unu kip we fram fuud fi worship Gad, no bada lang dong unu fies laik di ipokrit dem. Dem ogli op demself so piipl wi si se a faas dem a faas. Mi tel unu dis, an a chuu mi a taak: dem naa notn muo a get.

Maak 14:17

Wen iivnin kom Jiizas an im twelv falara dem kom a di ous.

Maak 14:19

Wen di falara dem ier wa Jiizas se, dem aat jrap siek-a ou dem sad. An wan afta di ada dem aks Jiizas se, “A kyaahn mi?”

Luuk 22:21

Bot luk, di man we a-go sel mi out de rait ya-so a di tiebl wid wi.

Jan 13:18

“Wa mi a se a no bout aal a unu. Mi don nuo wich wan a unu mi pik aredi. Bot wa Gad wod se afi kom chuu. It se dat, ‘Di sumadi we nyam fi mi uona bred ton gens mi.’

Jan 13:22

So im falara dem staat luk pan dem wan aneda kaa wa Jiizas se tu dem did a bada dem ed.