Maak 14:14 - Di Jamiekan Nyuu Testiment

¹⁴ Wen im go iina wan ous, tel di uona fi di ous se, ‘Di tiicha se fi aks yu se: We di ges ruum de we mi kyan nyam di Paasuova fuud wid mi speshal falara dem?’

Maak 14:14 ပူးပေါင်းရင်းမြစ်များ

Revilieshan 3:20

Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.

Jan 13:13

Unu kaal mi ‘Tiicha’ an unu kaal mi ‘Laad,’ an unu rait, kaa mi a dat fi chuu.

Jan 11:28

Afta Maata se dis ya, shi go we go kaal Mieri ar sista wan said an tel ar se, “Di Tiicha de ya, an im a aks fi yu.”

Maak 11:3

Ef nobadi aks unu ‘Wa mek unu a luus it?’ tel dem se, ‘Di Laad waahn it an im suun sen it bak.’ ”

Maak 10:17

Wen Jiizas did bout fi lef out wan man ron op tu im, go dong pan im nii an aks im se, “Gud tiicha, wa mi mos du ef mi waahn liv fi eva?”

Maak 14:13

So im sen tuu a im falara dem an tel dem se, “Go a Jeruusilem, an wan man we a kyari wan jog a waata wi miit unu. Fala im.

Maak 14:15

Im wi shuo unu wan big ruum opstiez fiks op an redi. A de-so unu fi luk bout di fuud.”

Luuk 22:11

an tel di uona se, ‘Di tiicha se fi aks yu se: We di ges ruum de, we mi kyan nyam di Paasuova fuud wid mi speshal falara dem?’