Maak 14:12 - Di Jamiekan Nyuu Testiment

¹² Nou di Paasuova alidie wen piipl nyam bred widout yiis did kom. Pan di fos die a da alidie de wen dem kil di biebi shiip, Jiizas falara dem aks im se, “We yu waahn wi fi luk aafa di Paasuova fuud fi yu nyam?”

Maak 14:12 ပူးပေါင်းရင်းမြစ်များ

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Matyu 3:15

So Jiizas ansa im se, “Rait ya nou, du wa mi aks yu fi du, da wie ya wi wi du aal we Gad waahn wi fi du!” So Jan se aarait den an du it.

Maak 14:1

A did tuu die bifuo di Paasuova alidie an di Festival we piipl nyam bred widout yiis. Di ed priis an di Laa tiicha dem did a chrai fain wan wie fi chrik Jiizas so dem kuda ares im an kil im.

Maak 14:11

Wen dem ier dis dem glad-bag bos, so dem pramis fi pie im aaf. Fram da taim de, Juudas staat luk fi wan chaans fi ton Jiizas uova tu dem.

Maak 14:13

So im sen tuu a im falara dem an tel dem se, “Go a Jeruusilem, an wan man we a kyari wan jog a waata wi miit unu. Fala im.