Maak 14:11 - Di Jamiekan Nyuu Testiment

¹¹ Wen dem ier dis dem glad-bag bos, so dem pramis fi pie im aaf. Fram da taim de, Juudas staat luk fi wan chaans fi ton Jiizas uova tu dem.

Maak 14:11 ပူးပေါင်းရင်းမြစ်များ

1 Timoti 6:10

Kaaz di lov fi moni a di ruut fi aal kain-a wikidnis. Som piipl waahn moni so bad dat dem ton dem bak pan Gad an bring dong nof kraasiz pan demself.

Juud 1:11

Tingz gweehn torbl fi dem man ya! Dem tan jos laik Kien we morda im breda. Dem komiin laik Bielam — dem wi du eniting fi get moni. Dem go gens Gad jos laik ou Kuora did go gens Muoziz. Gad gweehn mash dem dong siem laik ou im did mash dong Kuora.

Matyu 26:15

Ier im tu dem no, “Wa unu wi gi mi, ef mi elp unu ares Jiizas?” So dem kount out toti silva kain an se a dat im wi get.

Matyu 26:14

Den wan a Jiizas twelv falara dem, di wan we niem Juudas Iskyariyat, lef go wich paat di ed priis dem de.

Maak 14:10

Juudas Iskyariyat, wan a di twelv falara dem, go tu di ed priis fi sel out Jiizas an ton im uova tu dem.

Maak 14:12

Nou di Paasuova alidie wen piipl nyam bred widout yiis did kom. Pan di fos die a da alidie de wen dem kil di biebi shiip, Jiizas falara dem aks im se, “We yu waahn wi fi luk aafa di Paasuova fuud fi yu nyam?”

Luuk 22:3

Den Sietan go iina Juudas, we dem kaal Iskyariyat, im a did wan a Jiizas Twelv apasl dem.