Maak 14:1 - Di Jamiekan Nyuu Testiment

¹ A did tuu die bifuo di Paasuova alidie an di Festival we piipl nyam bred widout yiis. Di ed priis an di Laa tiicha dem did a chrai fain wan wie fi chrik Jiizas so dem kuda ares im an kil im.

Maak 14:1 ပူးပေါင်းရင်းမြစ်များ

Matyu 12:14

Bot di Farisii dem go we an staat plan ou dem mait-a kil Jiizas.

Matyu 6:2

“So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.

Maak 14:12

Nou di Paasuova alidie wen piipl nyam bred widout yiis did kom. Pan di fos die a da alidie de wen dem kil di biebi shiip, Jiizas falara dem aks im se, “We yu waahn wi fi luk aafa di Paasuova fuud fi yu nyam?”

Maak 14:2

Dem se, “Wi kyaahn dwi'it wen di festival a gwaan, kaaz dat wi rail op di piipl dem.”

Jan 11:47

Den di ed priis dem an di Farisii dem kaal wan miitn fi di liida dem. “Wa wi a du?” dem aks. “Kaa da man ya a wok som powaful mirikl.

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Aks 12:4

Afta Erad mek im suoja dem ares Piita im put im iina prizn. Im put fuo gruup a suoja fi gyaad im an iich gruup did av fuo suoja. Erad did plan fi joj Piita infronta evribadi wen di Paasuova alidie don.