Maak 13:9 - Di Jamiekan Nyuu Testiment

⁹ “Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Maak 13:9 ပူးပေါင်းရင်းမြစ်များ

Jan 16:2

Dem a-go ron unu outa di Juu dem Choch. Di taim aal a kom wen sumadi a-go kil unu an tingk se dem a du sitn gud fi Gad.

Maak 13:5

Jiizas se tu dem se, “Wach out, no mek nobadi fuul unu op.

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

2 Tesaluoniyan 1:5

Aal a dem sitn ya shuo plien plien se Gad joj piipl ou dem fi get joj, kaaz im a get unu redi fi im kindom we unu a sofa fa.

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

Aks 21:11

Im kom op tu wi, tek Paal belt, an tai op im uona an an fut an se, “Di Uoli Spirit se, ‘A siem so di Juu dem iina Jeruusilem a-go tai op di man uu uon da belt ya, an ton im uova tu di piipl dem we a no Juu.’”

Aks 9:16

Mi a-go shuo im umoch im afi go sofa fi fi mi siek.”

Aks 7:54

Wen di Juu liida dem ier dis dem beks wid im so til dem staat grain dem tiit.

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Luuk 9:5

Ef piipl no waahn unu iina dem toun, shiek aaf di dos aafa unu fut wen unu a lef. Unu fi du dis mek dem nuo se Gad no api wid dem an im a-go joj dem.”

Maak 6:11

Ef unu go iina wan ieriya an di piipl dem no tek unu iin ar no waahn ier wa unu av fi se, shiek di dos aafa unu fut wen unu a lef fi waan dem an fi shuo dem se Gad no api wid dem an im a-go joj dem.”

Maak 1:44

Jiizas tel im se, “Mek shuor se yu no se notn tu nobadi bout dis. Nou dat yu get beta, jos gwaan go shuo yuself tu di priis an kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu get kliin.”

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Maak 13:8

Kaaz wan set a piipl a-go waar gens wan neks set a piipl, an wan kindom a-go fait gens wan neda kindom. Ortkwiek a-go apm iina nof nof plies. Fuud a-go shaat an nof nof piipl a-go staav. An di wie piipl a-go sofa, it a-go komiin laik di fos pien we lik wan uman we tek iin fi av Biebi.

2 Jan 1:8

Wach unuself an mek shuor se unu no luuz wa wi wok so aad fa, so wi kyan get wi ful pie.