Maak 13:34 - Di Jamiekan Nyuu Testiment

³⁴ Da taim de komiin laik wan man we a go we pan wan chrip. Im lef im sorvant dem inchaaj a im ous an gi evri wan a dem di wok we dem fi du. An im tel di wan we a gyaad di duor fi kip wach.

Maak 13:34 ပူးပေါင်းရင်းမြစ်များ

Matyu 16:19

Mi a-go gi yu di kii fi Gad kindom. Eniting we yu se no fi gwaan pan ort a dat Gad wuda se aredi. An eniting we yu se: ye, dat kyan gwaan, Gad wuda lou dat fi gwaan aredi.”

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Ruoman 13:6

A dat mek unu a pie taks tu, kaaz di piipl we a ruul uova unu, wen dem du we dem sopuoz fi du, a wok dem a wok fi Gad.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

Koloshan 3:24

Kaaz unu nuo se unu a-go get wa di Laad pramis fi gi unu fi aal a di sitn dem we unu du. Kaaz a im unu riili a wok fa.

Koloshan 4:1

Az fi unu we uon sliev, unu fi chriit unu sliev rait an unu fi chriit dem fier. Kaaz unu nuo se unu av wan maasta iina evn tu.

Revilieshan 3:7

Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.