Maak 13:27 - Di Jamiekan Nyuu Testiment

²⁷ Den im wi sen im ienjel dem fi gyada op di piipl we im pik fram naat, sout, iis an wes, fram evri kribis an kaana a di ort.

Maak 13:27 ပူးပေါင်းရင်းမြစ်များ

Matyu 12:42

Di kwiin we kom fram Shiiba iina di sout, shi a-go kom bak alaiv wid di piipl dem fram da taim ya an shuo se dem rang, kaa shi did kom fram faar faar jos fi ier di waiz sitn dem we Salaman did av fi se. An nou, sitn we biga dan Salaman de rait ya-so.

Matyu 13:41

Di Man we Gad Pik a-go sen out im ienjel dem, an dem a-go tek outa im kindom evriting we mek piipl du rang an aal a di rang-duwa dem.

Matyu 13:49

A siem so it a-go go pan di laas die. Ienjel a-go tek out di wikid piipl fram di wan dem we liv rait.

Matyu 24:22

An ef Gad neehn mek op im main se im a kot dong ou lang da taim de fi laas, nobadi wudn liv. Bot siek-a di piipl dem we im pik, im mek op im main se im a-go kot it dong.

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Maak 13:20

An nobadi wuda neva get siev ef di Laad neva shaatn dem die de. Bot siek-a im speshal piipl dem we im pik, im shaatn di die dem.

Maak 13:22

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Maak 13:28

“Nou lorn sopm fram di fig chrii. Wen taim unu si dem branch get wel saaf an griin an dem staat sen out nyuu liif, unu nuo se soma suun kom.

Luuk 16:22

“Di bega ded an di ienjel dem kyari im tu Iebriyam said. Di rich man ded tu an get beri.

Luuk 18:7

So unu no tingk se Gad a-go gi di piipl dem we im pik jostis, iihn, di wan dem we baal tu im die an nait? Unu tingk se im wi kip aan a put dem aaf?

Jan 10:16

Mi av ada shiip we no iina da shiip pen ya. Mi afi kyari dem iina di pen tu. Dem a-go lisn tu mi vais tu, so den, yu a-go av onggl wan gruup a shiip an onggl wan shepad.

Jan 11:52

Bot no fi dem wan, bot fi mek aal a Gad pikni dem we skyata skyata aal uova di plies kom tugeda iina wan.)

Ruoman 8:33

Uu kyan joj di piipl we Gad pik an se dat dem gilti? A Gad wan kyan joj piipl! A Gad wan kyan put tingz rait bitwiin im an piipl.

Koloshan 3:12

So laik ou unu a Gad piipl we im pik an we im riili lov, unu aat mos muuv insaida unu fi ada piipl. Unu fi kain tu dem an unu fi ombl. Unu fi jengkl an unu mos tek taim wid piipl.

2 Tesaluoniyan 2:1

Nou breda an sista, bout di die wen wi Laad Jiizas Krais a kom bak, an ou di uol a wi a-go get gyada op fi go miit im — wi a aks unu du,

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.