Maak 13:22 - Di Jamiekan Nyuu Testiment

²² Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Maak 13:22 ပူးပေါင်းရင်းမြစ်များ

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Matyu 7:15

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf.

Maak 13:21

So ef sumadi se tu yu, ‘Luk, si Krais ya!’ ar ‘Luk, si im de!’ No biliiv im.

Maak 13:23

Bot wach unuself! Mi a tel unu aal dem sitn ya bifuo dem apm.

Maak 13:6

Kaaz a uol iip a piipl a-go kom yuuz op yuuz op mi niem, an a se, ‘Mi a Krais, a mi Gad sen fi siev piipl,’ an dem a-go fuul op nof piipl.

Jan 4:48

Bot Jiizas se tu im se, “Ef unu piipl no si som sain an aal saat a powaful mirikl, unu wuda neva biliiv iina mi.”

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

1 Jan 2:18

Breda an sista di worl suun don. Unu did ier se di wan we go gens Krais Jiizas a-go kom. Wel nof piipl we go gens Krais Jiizas de ya aredi. A so wi nuo se di worl suun don.

1 Jan 2:19

Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.

1 Jan 2:26

Mi rait dem sitn ya fi waan unu bout di piipl dem we a chrai fi fuul unu op.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.