Maak 13:11 - Di Jamiekan Nyuu Testiment

¹¹ Wen dem ares unu an ton unu uova tu di joj, no bada fret bout wa unu a-go se ar ou unu a-go se it. Jos se we Gad tel unu fi se da taim de, kaaz a no unu a taak, a di Uoli Spirit a taak chuu unu.

Maak 13:11 ပူးပေါင်းရင်းမြစ်များ

Matyu 10:17

“An wach out, kaa piipl a-go tek unu, an gi unu uova tu di liida dem fi di Juu dem choch, an dem a-go tek wip an biit unu a dem miitn ous.

Maak 13:12

“Breda an sista a-go infaam pan dem uona breda an sista dem an mek di piipl dem we a ruul kil dem. A siem so, wan faada a-go an uova im uona pikni. Pikni a-go ton gens dem faada an mada an mek di ruula dem kil dem.

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Jan 3:27

Bot Jan se tu dem se, “Sumadi kyan onggl av wa Gad gi dem.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 6:10

bot dem fain se dem kudn manij im, kaaz di Spirit did mek im wel waiz an tel im aal wa im fi se.

Aks 6:15

Evribadi we did a sidong iina di plies we dem miit faasn dem yai pan Stiivn an si se im fies did a shain laik wan ienjel.

Aks 7:55

Bot di Uoli Spirit tek kanchuol a Stiivn. Im faasn im yai op iina di skai an si Gad brait brait lait iina evn an Jiizas tan op a Gad rait-an-said.

1 Korintiyan 2:13

Dat a wa wi eva a priich tel unu. An wen wi a priich wi no yuuz no wod we di piipl we waiz se wi fi yuuz. Nuo, wen wi priich wi se di sitn dem we di Spirit tel wi fi se, so dat wi kyan mek unu we av di Spirit andastan aal a wa di Spirit shuo wi.

Ifiijan 3:5

Gad neehn shuo da siikrit ya tu piipl bifuo nou. Bot iina dem taim ya, im mek di Uoli Spirit tel im piipl dem we im pik fi bi im apasl an prafit dem bout di siikrit.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!