Maak 13:10 - Di Jamiekan Nyuu Testiment

¹⁰ Bot di Gud Nyuuz afi priich tu di uol worl fos bifuo dem sitn de apm.

Maak 13:10 ပူးပေါင်းရင်းမြစ်များ

Matyu 12:41

Di piipl fram Ninive, a-go tan op pan jojment die wid di piipl dem fram da taim ya an shuo dem se dem rang. Kaaz di Ninive piipl dem did sari fi di rang we dem du an chienj dem wiez wen Juona did kom priich tu dem. An nou, sitn we biga dan Juona de rait ya-so.

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Maak 16:15

Im tel dem se, “Go aal uova di worl an priich di Gud Nyuuz tu evribadi.

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Ruoman 10:18

So mek mi aks unu sopm, di Juu dem, dem neva ier? Dem no mos did ier! It rait iina Gad wod se, “Fi dem vais riich evri paat a di ort, an piipl aal uova di worl ier di wod we dem priich.”

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

Revilieshan 14:6

Afta dat, mi si wan neda ienjel a flai iina di skai. Im did av wan mesij fram Gad we a-go laas fi eva fi go tel di piipl dem we liv pan di ort. Di mesij a did fi evri konchri, chraib, piipl, an evri langwij.