Maak 12:7 - Di Jamiekan Nyuu Testiment

⁷ “Bot di tenant dem se tu dem wan aneda, ‘A da wan ya a-go get evriting wen im faada ded. Kom mek wi kil im! Da wie de wen im faada ded a wi a-go get evriting we im shuda get.’

Maak 12:7 ပူးပေါင်းရင်းမြစ်များ

Aks 7:52

Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Aks 5:28

Im se tu dem se, “Wi neva aada unu chrang chrang se unu no fi tiich nobadi bout di sitn dem we da man de niem Jiizas se unu fi tiich? Bot luk wa unu du. Unu ful op Jeruusilem wid di sitn dem we im tiich. An no onggl dat, unu chrai put fi'im blod pan wi an dem an se a wi kil im.”

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Maak 12:12

Di liida dem did waahn fi lak op Jiizas kaaz dem nuo se a riili dem im did a taak bout. Bot dem did fried a di kroud a piipl, so dem go we lef im.

Matyu 2:16

Wen Erad si se di waiz man dem did chrik im op, im beks til im nieli bos! Im sen out aada, an kil aaf aal a di bwai pikni dem we did iina Betliyem an di plies dem we did de nier Betliyem, aal a di pikni dem we did a tuu ier uol an anda tuu. Im du dat azkaadn tu di taim wen di waiz man did se dem si di staar.

Matyu 21:34

Wen di griep dem raip op nou, an a taim fi pik dem, im sen im sorvant dem go a im tenant dem fi kalek wa im fi get fram im faam.

Maak 12:6

“Di uona did av onggl wan sumadi lef uu im kuda sen — im wan bwai pikni we im lov bad bad. So im sen im tu di tenant dem, kaaz im se, ‘Dem wi rispek mi bwai.’

Maak 12:8

So dem grab im, kil im, an fling im badi aafa di faam.”

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.