Maak 12:37 - Di Jamiekan Nyuu Testiment

³⁷ Ef Dievid kaal im ‘Laad’, ou di Man We Gad sen fi siev piipl fi bi Dievid bwai pikni?” An di big kroud a piipl did api a lisn wa im se.

Maak 12:37 ပူးပေါင်းရင်းမြစ်များ

Matyu 1:23

Di prafit did se, “Lisn op! Di uman we neehn sliip wid no man a-go get biebi — a wan bwai shi a-go av, an dem a-go kaal im Imanyuwel.” Da niem de miin, “Gad de ya wid wi.”

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 21:45

Wen di ed priis an Farisii piipl dem ier Jiizas tuori dem we soun laik rigl, dem kech se a dem im did a chuo wod pan.

Matyu 21:46

Dem did waahn lak im op, bot di kroud a piipl dem mek dem kech dem fried. Kaaz di piipl dem did tek Jiizas fi wan prafit.

Luuk 19:48

Bot dem kudn fain no wie fi du it, kaaz evribadi did a lisn evri wod we Jiizas se.

Luuk 21:38

Aal a di piipl dem get op orli a maanin taim fi kom lisn Jiizas a Gad ous.

Jan 12:9

Nou wan big kroud a Juu piipl fram Judiya ier se Jiizas did de de-so, so dem go de. Dem go, no onggl kaaz im did de de, bot so dat dem kuda si Lazaros, di wan we im did mek kom bak alaiv.

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”