Maak 12:29 - Di Jamiekan Nyuu Testiment

²⁹ Jiizas ansa im se, “Di muos impuotant Laa a dis: ‘Piipl a Izrel, lisn, di Laad we a fi wi Gad, im a wan.

Maak 12:29 ပူးပေါင်းရင်းမြစ်များ

Matyu 10:37

“Enibadi we lov dem faada ar mada muo dan mi, no dizorv fi bi fi mi falara, an enibadi we lov dem bwai pikni ar gyal pikni muo dan mi, dem no fit fi bi fi mi falara niida.

Matyu 23:9

An unu no fi kaal nobadi ya-so pan ort unu ‘faada,’ kaa a onggl wan Faada de bout an im de a evn.

Luuk 10:27

Di man se, “‘Yu fi lov di Laad we a fi yu Gad. Yu fi lov im wid aal a yu aat, lov im wid di uol a yu suol, lov im wid aal a yu chrent an wid di uol a yu main,’ an, ‘yu fi lov yu nieba siem laik ou yu lov yuself.’”

Ruoman 3:30

A onggl wan Gad de, an a im a Gad fi di Juu dem an di piipl dem we a no Juu. Gad a-go mek tingz rait bitwiin im an di Juu dem wen dem biliiv siem laik ou im wi mek tingz rait bitwiin im an di piipl dem we a no Juu wen dem biliiv.

1 Korintiyan 8:4

So den dis ting bout weda wi shuda iit ar no iit di fuud we piipl sakrifais gi faalz gad: di uol a wi nuo se dem faalz gad de no riili alaiv. An wi nuo se a onggl wan riil Gad de bout.

Gyalieshan 3:20

Bot wen Gad did a mek im pramis tu Iebriyam, im neva sen nobadi — im kom taak tu im imself.

1 Timoti 1:5

Mi tel yu fi du dis so di piipl dem kyan lov dem wan aneda wid di kain-a lov we kom fram wan gud aat, we nuo rait fram rang. Wen dem lov dem wan aneda so, dem a ak laik piipl we riili bilang tu Gad.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

Jiemz 2:19

Yu biliiv se a onggl wan Gad de — gud! Aal di diiman dem biliiv dat an chrimbl.

Juud 1:25

Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!