Maak 12:15 - Di Jamiekan Nyuu Testiment

¹⁵ Bot im nuo se dem did op tu no gud, so im aks dem se, “Wa unu a tes mi fa? Gi mi wan silva kain mek mi si'it!”

Maak 12:15 ပူးပေါင်းရင်းမြစ်များ

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

1 Korintiyan 10:9

Wi no fi stie laik dem an tes Krais Jiizas. Som a dem did tes Gad an siniek bait dem an kil dem.

Aks 5:9

Piita se tu ar se, “Mek di tuu a unu mek op unu main fi si ef unu kuda lai tu di Laad Spirit an no get ponish? Luk! Di man dem we beri yu ozban tan op a di duor, an dem a kom fi yu fi go beri yu tu.”

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Luuk 20:23

Jiizas si chuu dem chrik an se tu dem se,

Maak 10:2

Som Farisii did waahn fi tes im. So dem kom tu im an aks im se, “Di Laa gi no man di rait fi brok op wid im waif?”

Matyu 22:18

Bot Jiizas did si se a bie wikidnis did iina dem aat, so im se, “Unu set a ipokrit unu! We unu a tes mi fa?

Matyu 20:2

Im an dem wok out se im wi pie dem wan naamal die wok pie, an den im sen dem go pan im griep faam fi staat di wok.

Maak 12:14

Dem go tu im an se, “Tiicha, wi nuo se yu taak di chuut kaaz yu naa luk no fren fram nobadi. Yu no paashal. Yu tiich di rait sitn bout wa Gad waahn piipl fi du. Tel wi, it rait fi wi pie taks tu Siiza, di Ruoman ruula? Wi fi pie it ar wi no fi pie it?”

Maak 12:16

So dem gi im wan silva kain, an im aks dem se, “Uufa picha an niem de pan it?” Dem ansa im se, “Siiza.”

Jan 8:6

(Dem aks im dat de kaa dem did waahn fi chrik im, so dat dem kuda av sitn fi lak im op fa.) Jiizas ben dong an staat rait iina di grong wid im fingga.