Maak 12:1 - Di Jamiekan Nyuu Testiment

¹ Den Jiizas taak tu dem an tel dem da tuori ya: “Yu did av wan man we did plaant wan griep faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Maak 12:1 ပူးပေါင်းရင်းမြစ်များ

Maak 13:34

Da taim de komiin laik wan man we a go we pan wan chrip. Im lef im sorvant dem inchaaj a im ous an gi evri wan a dem di wok we dem fi du. An im tel di wan we a gyaad di duor fi kip wach.

Maak 4:2

An im yuuz som likl tuori an tiich dem uol iip a sitn. Im se tu dem se,

Matyu 25:14

“Mek mi se dis tu, da taim de, Gad kindom a-go komiin laik wan man we a go wan faar plies, so im kaal op im sorvant dem an gi dem aal we im uon fi tek kier a til im kom bak.

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Luuk 19:12

Jiizas se tu dem se, “Wan big impuotant man did go a wan faar plies fi dem mek im King an den fi go baka im yaad.

Luuk 15:13

“Likl afta dat, di likla wan tek aal we im get, go a farin, an wies im moni a liv wail.

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

Matyu 21:28

“Tel mi wa unu tingk? Wan man did av tuu bwai pikni. Im go tu di fos wan an se, ‘Mi bwai, gwaan go wok pan mi griep faam tide.’

Luuk 22:9

Dem aks Jiizas se, “Wich paat yu waahn wi fi go luk bout it?”

Matyu 13:3

Jiizas tel dem uol iip a tuori we soun laik rigl. Im se, “Wan faama did go fi plaant som siid.

Matyu 21:33

“Ier da tuori ya tu: Yu weehn av wan man we uon wan griep faam an di man plaant op im faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Matyu 21:34

Wen di griep dem raip op nou, an a taim fi pik dem, im sen im sorvant dem go a im tenant dem fi kalek wa im fi get fram im faam.

Maak 3:23

So Jiizas kaal di piipl dem an tel dem wan likl tuori fi tiich dem sitn. Im aks dem se, “Ou Sietan fi ron out imself, iihn?

Maak 11:33

So dem se tu Jiizas se, “Wi no nuo.” So Jiizas se tu dem se, “Den mi naa go tel unu uu gi mi di rait fi du dem sitn ya niida.”