Maak 11:33 - Di Jamiekan Nyuu Testiment

³³ So dem se tu Jiizas se, “Wi no nuo.” So Jiizas se tu dem se, “Den mi naa go tel unu uu gi mi di rait fi du dem sitn ya niida.”

Maak 11:33 ပူးပေါင်းရင်းမြစ်များ

2 Korintiyan 3:15

Yes, aal nou wen Muoziz Laa riid out loud, a laik di klaat stil a kova dem, an dem main blak aaf.

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

Jan 9:27

Bot di man ansa dem an se, “Mi tel unu aredi an unu neehn lisn. Wa mek unu waahn ier wan neda taim? A ton unu waahn ton im falara dem tu?”

Jan 3:10

Bot, Jiizas se tu im se, “A yu a tap tiicha iina Izrel, an yu no andastan dem sitn ya we mi a taak bout?

Matyu 21:27

So dem se tu Jiizas se, “Wi no nuo.” So Jiizas se tu dem se, “Den mi naa tel unu a uu gi mi di rait fi du dem sitn ya niida.

Matyu 16:4

Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik we did apm wid Juona.” Den Jiizas lef dem an go we.

Matyu 15:14

Lou dem, mek dem gwaan. Dem a blain piipl we a liid blain piipl. Ef blain a liid blain, di tuu a dem no boun fi jrap iina uol?”

Maak 11:32

Bot ef wi se ‘A man’....” (Dem did fried a di piipl dem, kaaz di uol a dem did tingk se Jan a did wan prafit.)

Maak 12:1

Den Jiizas taak tu dem an tel dem da tuori ya: “Yu did av wan man we did plaant wan griep faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.