Maak 11:25 - Di Jamiekan Nyuu Testiment

²⁵ So enitaim unu tan op fi prie, ef unu av notn gens nobadi unu fi paadn dem. Da wie de unu faada we iina evn wi paadn unu fi aal a di rang unu du.”

Maak 11:25 ပူးပေါင်းရင်းမြစ်များ

Matyu 5:23

“So ier mi den, ef unu a go a di alta go gi unu aafrin an unu memba se unu breda ar sista beks wid unu bout sitn,

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Matyu 6:5

“Wen unu a prie, no gwaan laik di ipokrit dem, kaa dem lov tan op an prie iina di Juu dem choch yu no, an pan di kaana outa ruod, so piipl kyan si dem. Mek mi tel unu dis, an a chuu mi a taak: dem don get wa dem fi get aredi, an dem naa notn muo fi get fram faada Gad.

Luuk 18:11

Di Farisii tan op an prie bout imself se ‘Gad, mi tangk yu dat mi no tan laka ada piipl we tiif, brok di Laa, sliip wid piipl dem no marid tu, ar iivn laik da taks kalekta ya.

Luuk 18:13

“Bot di taks kalekta tan faar. Im wudn iivn luk op a evn. Im biit im ches an im se, ‘Gad, tek piti pan mi, wan sina.’

Luuk 6:37

“No joj piipl laik se Gad kyaahn paadn dem. Ef unu du dat di siem ting a-go riich unu. An no bada se nobadi gilti an rait dem aaf, kaaz dat wi riich unu tu. Paadn piipl, an unu wi get paadn tu.

Ifiijan 4:32

Unu fi kain an gud tu wan aneda. Unu no fi kip op wan aneda iina unu aat. Siem laik ou Gad paadn unu siek-a wa Jiizas Krais du, a siem so unu fi paadn unu wan aneda tu.

Koloshan 3:13

No mata wa apm, unu fi bier wid unu wan aneda, an paadn unu wan aneda no mata wa dem du. Paadn unu wan aneda, jos laik ou di Laad did paadn unu. Put aan aal a we mi a tel unu nou, laik se a kluoz unu a put aan.

Jiemz 2:13

kaaz piipl we no paadn nobadi, naa go get no paadn pan jojment die. Ef unu paadn piipl unu wi get frii fram jojment.

Revilieshan 11:4

Dem tuu sorvant ya a di tuu aliv chrii an di tuu sitn dem fi uol kyanggl we de infronta di Laad we ruul di ort.