Maak 11:18 - Di Jamiekan Nyuu Testiment

¹⁸ Di ed priis an di Laa tiicha dem ier wa Jiizas se, an dem staat luk fi wan wie fi kil im, kaaz dem did fried a im, kaaz im did a tiich so gud it did shak di uol kroud a piipl.

Maak 11:18 ပူးပေါင်းရင်းမြစ်များ

Matyu 21:15

Bot wen di ed priis an Laa tiicha dem si di mirikl dem we im du, an ier di pikni dem iina di yaad we Gad ous de a baal out se, “Priez im! Mek wi priez Dievid pikni” dem beks kyaahn don,

Matyu 7:28

Wen Jiizas did don se dem sitn ya, di piipl dem did shak tu ou im tiich.

Maak 1:22

Evribadi shak wen dem ier di sitn dem we im did a tiich, kaaz im tiich laik sumadi we av di rait an di powa fi du it. Im neehn tiich laik di Laa tiicha dem.

Maak 11:32

Bot ef wi se ‘A man’....” (Dem did fried a di piipl dem, kaaz di uol a dem did tingk se Jan a did wan prafit.)

Maak 12:12

Di liida dem did waahn fi lak op Jiizas kaaz dem nuo se a riili dem im did a taak bout. Bot dem did fried a di kroud a piipl, so dem go we lef im.

Maak 3:6

So siem taim di Farisii dem lef out an go staat plan wid Erad falara dem fi kil Jiizas.

Maak 6:20

kaaz Erad did wel rispek Jan an protek im, kaaz im nuo se Jan a did wan gud man we aalwiez du wa rait. Erad did lov fi lisn tu Jan, iivn duo evritaim im ier im, wa Jan se kanfyuuz im muor an muor.

Luuk 19:47

Evridie Jiizas tiich iina di yaad we Gad ous de. Di ed priis, di Laa tiicha dem an di liida dem tu, did a set fi kil im.

Luuk 2:47

Evribadi we ier Jiizas taak kudn biliiv di wie ou im ansa kwestiyan an di sitn dem we im andastan.

Luuk 20:19

Di Laa tiicha dem an di ed priis dem luk fi wan wie fi lak op Jiizas siem taim, kaaz dem nuo se a dem im did a chat bout. Bot dem did fried a di piipl.

Luuk 4:22

Evribadi taak gud bout im an dem fraitn fi ier di nais sitn dem we im se. “Wiet! No Juozif bwai dis?” dem se.

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Jan 7:19

No chuu se a Muoziz gi unu di Laa? Bot non a unu no kip it. So wa mek unu a chrai fi kil mi?”

Jan 7:46

Di gyaad dem se, “Nobadi neva eva taak laik ou da man ya taak.”

Aks 24:25

Wail Paal did a taak bout wa it miin fi sumadi du we rait, kanchuol demself, an di die wen Gad a-go joj evribadi fi aal we dem du, weda gud ar bad, Fiiliks kech im fried an se tu Paal se, “Dat inof fi nou. Yu kyan lef. Wen mi fain taim mi wi sen fi yu agen.”