Maak 11:14 - Di Jamiekan Nyuu Testiment

¹⁴ So im se tu di chrii, “Fram nou aan nobadi naa go eva nyam fig fram yu agen!” An im falara dem ier wen im se so.

Maak 11:14 ပူးပေါင်းရင်းမြစ်များ

Matyu 21:19

So im si wan fig chrii a di ruod-said an go kraas wich paat it de, bot im neehn si notn at aal pan it, jos suo-so liif. Jiizas se tu di chrii se, “Yu naa go eva bier fruut agen!” an siem taim di fig chrii jrai op.

Jan 15:6

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

Matyu 7:19

Evri chrii we no bier gud fruut, it get chap dong an dash iina di faiya.

Matyu 3:10

Rait ya nou di aks de a di chrii ruut. An evri wan a di chrii dem we naa bier gud fruut a-go chap dong an bon op iina faiya.

Revilieshan 22:11

So, di piipl dem we a du rang mos gwaan du rang. Di piipl dem we a du aal kain-a naasinis mos gwaan du dem naasinis. Di piipl dem we a liv rait mos gwaan liv rait, an di piipl dem we a kip demself kliin mos gwaan kip demself kliin.

Matyu 21:44

Uu jrap pan da stuon ya a-go brok op iina piisiz, an uu it jrap pan a-go mash op bad bad.”

2 Piita 2:20

Ef nobadi manij fi get we fram di wikidnis a da worl ya, kaa dem kom fi nuo wi Laad, Jiizas Krais, di wan we siev wi, an den dem siem wan go tai op bak demself iina wikidnis an mek it kangka dem, dem wosaraaf nou dan bifuo dem did fos biliiv an staat fala Jiizas.

Matyu 21:33

“Ier da tuori ya tu: Yu weehn av wan man we uon wan griep faam an di man plaant op im faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Maak 11:13

Jiizas si wan fig chrii likl out fram we dem did de. It did kova op wid liif, so im go fi si ef no fig de pan it. Bot im neva fain non kaaz a neva fig taim yet.

Maak 11:15

Afta Jiizas an im falara dem riich Jeruusilem, im go iina Gad ous an staat fling out aal a di piipl dem we did iin de a bai an sel. Di piipl dem we did a chienj out moni, Jiizas pich uova fi dem tiebl an ton uova di chier fi aal uu did de de a sel dov.