Maak 10:52 - Di Jamiekan Nyuu Testiment

⁵² Jiizas tel im se, “Gwaan, kaaz yu biliiv yu get beta nou.” Siem taim di man yai dem uopm op an im kuda si, an im fala Jiizas dong di ruod.

Maak 10:52 ပူးပေါင်းရင်းမြစ်များ

Matyu 9:22

Bot wen Jiizas ton roun an si ar, im se, “No fret daata! Kaaz yu biliiv iina mi, yu aarait nou.” An fram da taim de di uman did beta.

Luuk 7:50

Jiizas tel di uman se, “Kaaz yu chos iina mi, Gad siev yu. Go a yu yaad wid piis iina yu aat.”

Maak 8:25

So Jiizas put im an pan di man yai dem agen. Wen im uopm op im yai dem da taim de, im kuda si, an im si evriting gud gud.

Maak 5:34

So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Jan 9:32

Fram di taim di worl mek nobadi neehn ier bout sumadi we baan blain an we get fi kyan si afta dat.

Matyu 15:28

Wen Jiizas ier dat, im se, “Bwai uman, yu riili riili chos iina mi. Wat-eva yu waahn fi apm, Gad a-go mek it apm.” Siem taim ar daata get beta.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Maak 1:31

Jiizas go tu ar, uol ar an an tek taim riez ar op. Di fiiva brok an shi staat luk aafa dem.

Matyu 21:14

Blain an kripl piipl kom tu Jiizas iina di yaad we Gad ous de, an im get dem beta.

Matyu 12:22

Den dem kyari wan man we did av diiman iina im kom tu Jiizas. Di man did blain an im kudn chat niida. Jiizas mek im get bak beta, so di man kuda taak an si.

Jan 9:39

Jiizas se, “Mi kom iina di worl fi joj piipl, so blain piipl kyan si an di wan dem we tingk se dem kyan si get blain.”

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Matyu 8:3

Jiizas chrech out im an, toch di man an se, “Mi waahn yu fi get kliin. Gwaan yu beta nou!” An siem taim di man skin get kliin kliin.