Maak 10:43 - Di Jamiekan Nyuu Testiment

⁴³ Bot a no so it go mongks unu. Insted-a dat, ef nobadi waahn av tap pozishan mongks unu, dem afi sorv unu,

Maak 10:43 ပူးပေါင်းရင်းမြစ်များ

Maak 10:42

Bot Jiizas kaal dem an se tu dem se, “Unu nuo se di ruula dem fi di piipl we a no Juu baas dem op an di wan dem we iina tap-a-tap pozishan eva a tel dem wa fi du.

Maak 10:44

an ef non a unu waahn kom fos, unu mos ton evribadi sliev.

Maak 9:35

Afta Jiizas sidong, im kaal im twelv falara dem an se, “Ef non a unu waahn di tap-a-tap pozishan, unu afi sekl fi laas plies an sorv evribadi.”

Luuk 14:11

Evribadi we put demself uova ada piipl, wi get pudong, bot ef yu ombl yuself, yu wi get big op.”

Luuk 18:14

“Mi a tel unu da man ya, no di Farisii, bot di taks kalekta, im go a im yaad an evriting rait bitwiin im an Gad. Enibadi we put demself uova ada piipl a-go get pudong, an dem we ombl demself, wi get lif op ai.”

Luuk 22:26

Bot unu no fi galang laka dem. Di wan we av di tap tap pozishan fi gwaan laik di wan we de a di batam, an di liida fi gwaan laik di sorvant.

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Jan 18:36

So Jiizas se tu im se, “Mi no ruul laka di king dem we de iina di worl. Ef mi did ron tingz laka dem, mi sorvant dem wuda tek op fi mi an fait fi mek dem no ares mi an gi mi uova tu di Juu liida dem. Bot mi no ruul laka di king dem iina di worl.”

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.