Maak 10:34 - Di Jamiekan Nyuu Testiment

³⁴ Dem a-go laaf aafa im an tek im ton preke, dem a-go pit pan im, biit im wikid wikid, an afta dat dem a-go kil im pan wan kraas. Bot chrii die afta dem kil im, im a-go kom bak alaiv.”

Maak 10:34 ပူးပေါင်းရင်းမြစ်များ

Maak 14:65

Den som a dem staat pit pan im, som tai piis a klaat uova im yai so im kudn si an staat tomp im op wid dem fis an a se tu im se, “Yu se yu a wan prafit, so tel wi uu lik yu.” An di suoja dem we did a gyaad im biit im op tu.

Matyu 26:67

Den dem pit iina im fies an tomp im op. An som a dem slap im op

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

1 Korintiyan 15:4

Mi tel unu se dem beri im an wen chrii die paas im kom bak alaiv, jos laik ou Gad wod se im wuda kom bak.

Jan 2:10

Di manija kaal di man an se tu im se, “Wen ada piipl a get marid, dem shier out di bes wain fos. An afta di piipl dem jringk an jongk aaf, a dat de taim de dem shier out di chiip wain. Bot yu nou, yu shier out di bes wain laas!”

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Luuk 23:11

Afta Erad an im suoja dem laaf aafa Jiizas an tek im mek preke, dem jres im op iina wan priti ruob, an sen im go baka Pailat.

Maak 14:63

Den di liida fi di priis dem tier im kluoz an se, “Wa wi waahn muo piipl fi pruuv notn fa?

Matyu 27:63

Dem se, “Sa, wi memba wen da oul laiyad de did stil a liv, ou im weehn se, ‘Afta chrii die mi a-go kom bak alaiv.’

Maak 9:31

kaaz im did a tiich im falara dem. Im tel dem se, “Sumadi a-go sel out Di Man we Gad Pik an gi im uova tu piipl we iet im. Dem a-go kil im, bot chrii die afta dat, im a-go kom bak alaiv.”