Maak 10:33 - Di Jamiekan Nyuu Testiment

³³ Im se, “Luk ya no, wi a go op a Jeruusilem an dem a-go tek di Man we Gad Pik an ton im uova tu di ed priis an di Laa tiicha dem. Dem a-go joj im an se im gilti an fi ded, an dem a-go ton im uova tu di piipl we a no Juu.

Maak 10:33 ပူးပေါင်းရင်းမြစ်များ

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

Matyu 26:66

Wa di kuot se?” Dem se, “Im gilti. A ded im fi ded.”

Matyu 27:2

Dem tai im op, kyari im go we an an im uova gi Pailat, di govana.

Maak 14:64

Unu ier fi unuself ou im a disrispek Gad. Wa di kuot se?” Aal a dem rait im aaf se im gilti an im fi ded.

Maak 15:1

Orli iina di maanin afta di ed priis dem, di elda dem, Laa tiicha an di ada Juu liida dem mek dem plan, dem tai op Jiizas an liid im we go ton im uova tu Pailat.

Maak 8:31

Den Jiizas staat tel im falara dem se, “Di Man we Gad Pik a-go afi go chuu nof nof sofarieshan, an di elda dem, di ed priis dem, an di Laa tiicha dem a-go ton dem bak pan im, an dem a-go kil im. Bot chrii die afta dat, im a-go kom bak alaiv.”

Maak 9:12

Jiizas ansa dem se, “Ilaija kom fi chuu fi get evriting pan chrak. Bot wa mek unu tingk it rait dong se di Man we Gad Pik gweehn afi go chuu nof sofarieshan an piipl a-go chriit im laik se im a no nobadi?

Maak 9:31

kaaz im did a tiich im falara dem. Im tel dem se, “Sumadi a-go sel out Di Man we Gad Pik an gi im uova tu piipl we iet im. Dem a-go kil im, bot chrii die afta dat, im a-go kom bak alaiv.”

Luuk 23:21

Bot dem kip aan a shout, “Yes! Kil im pan di kraas! Kil im pan di kraas!”

Luuk 9:22

Im se, “Di Man we Gad Pik a-go a fi go chuu nof nof sofarieshan, an di elda, ed priis, an Laa tiicha dem a-go ton dem bak pan im, an dem a-go kil im. Bot afta chrii die paas, im a-go kom bak alaiv.”

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Jan 18:32

(Nou dis ya apm fi mek we Jiizas did taak bout ou im did a-go ded kom chuu.)

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.

Aks 20:22

“An nou di Uoli Spirit push mi fi go a Jeruusilem an mi a go, iivn duo mi no nuo wa a-go apm tu mi wen mi riich,

Jiemz 5:6

Unu mek joj rait aaf piipl we no du notn rang se dem gilti, an morda dem. An dem kudn iivn tan op fi demself gens unu.