Maak 10:24 - Di Jamiekan Nyuu Testiment

²⁴ Im falara dem shak wen dem ier dat. So Jiizas se tu dem agen, “Pikni, it riili aad fi go iina Gad kindom.

Maak 10:24 ပူးပေါင်းရင်းမြစ်များ

Matyu 19:25

Jiizas falara dem did wel shak wen dem ier dis. Dem se, “Den a uu kyan get siev?”

Maak 1:27

Di piipl dem did wel shak, so dem aks dem wan aneda, “A wa dis ya? A som powaful nyuu sitn im a tiich! Da man ya aal av di powa an di rait fi aada diiman fi kom outa piipl an dem du wa im se.”

Maak 10:23

Den Jiizas luk roun an se tu im falara dem se, “A di aadis ting fi rich piipl go iina Gad kindom!”

Luuk 16:14

Di Farisii dem laaf aafa Jiizas wen dem ier dis, kaaz dem lov moni.

Jan 13:33

“Mi pikni, mi a-go de ya wid unu fi onggl likl bit langga. Unu gweehn luk fi mi, bot jos laik wa mi did se tu di Juu liida dem mi a tel unu di sed ting, ‘Wich paat mi de go, unu kyaahn kom de.’

Jan 21:5

Im kaal out tu dem an se, “Brejrin, unu na'av no fish?” “Nuo,” dem ansa.

Jan 6:60

Afta nof a Jiizas falara dem ier aal a we im did av fi se, dem se, “It no iizi fi tek iin wa im a tiich se. A wan aad sitn im a tiich. Uu kyan andastan wa im a se?”

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

1 Jan 2:1

Mi pikni we mi lov, mi a rait dem sitn ya tu unu so unu wi no sin. Bot ef nobadi du sin, wi av sumadi we wi taak tu Faada Gad fi wi, Jiizas Krais we eva du wa rait.

1 Jan 4:4

Mi pikni we mi lov — unu a Gad pikni, an unu si di wan dem we go gens Gad, unu win dem aredi, kaaz di wan we iina unu muo powaful dan di wan we iina di worl.

1 Jan 5:21

Mi pikni, kip unuself fram faalz gad.

Revilieshan 3:17

Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?