Maak 10:23 - Di Jamiekan Nyuu Testiment

²³ Den Jiizas luk roun an se tu im falara dem se, “A di aadis ting fi rich piipl go iina Gad kindom!”

Maak 10:23 ပူးပေါင်းရင်းမြစ်များ

Matyu 18:3

Den im se tu dem se, “Mi tel unu dis ya, an a chuu mi de taak, ef unu no chienj ou unu tan an staat ombl unuself laik pikni, non a unu naa go put unu fut iina Gad kindom.

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Maak 10:22

Wen di man ier wa Jiizas se, im aat jrap an im go we sad kaaz im did wel rich.

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Maak 5:32

Bot Jiizas ton roun an stil a luk fi si a uu did toch im.

Luuk 18:24

Jiizas luk pan im an se, “A di aadis ting fi rich piipl go iina Gad kindom!

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

1 Korintiyan 1:26

Breda an sista, tingk bout ou unu did stie wen Gad kaal unu. Muos a unu, nobadi neva tingk se unu waiz. Muos a unu, nobadi neva tingk se unu kuda taak an mek piipl du wa unu se. An a onggl likl bit a unu kom fram big impuotant fambili.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

2 Piita 1:11

Da wie ya, Gad wi uopm op waid waid tu unu di duor fi di kindom a wi Laad an Sieviya Jiizas Krais — di kindom we a-go laas fi eva an eva. An im a-go gi unu aal rait fi go iin de.