Maak 10:22 - Di Jamiekan Nyuu Testiment

²² Wen di man ier wa Jiizas se, im aat jrap an im go we sad kaaz im did wel rich.

Maak 10:22 ပူးပေါင်းရင်းမြစ်များ

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 19:22

Bot wen di yong man ier dis ya, im aat jrap an im go we sad, kaa im did wel rich.

Matyu 27:3

Wen Juudas, di wan we did sel im out, si se dem gi uova Jiizas fi dem kil im, im sari bout wa im did du, an kyari bak di toti silva kain dem go gi di ed priis an elda dem.

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Maak 10:23

Den Jiizas luk roun an se tu im falara dem se, “A di aadis ting fi rich piipl go iina Gad kindom!”

Maak 6:20

kaaz Erad did wel rispek Jan an protek im, kaaz im nuo se Jan a did wan gud man we aalwiez du wa rait. Erad did lov fi lisn tu Jan, iivn duo evritaim im ier im, wa Jan se kanfyuuz im muor an muor.

Maak 6:26

Di king aat staat at im wen im ier wa shi aks fa, bot im kudn tek bak im wod, kaaz im did don pramis ar infronta aal a im ges dem aredi.

Luuk 12:15

Den im tel dem se, “Wach out! Unu fi gyaad gens aal kain-a red yai, kaaz laif no jos bout umoch sitn wi uon.”

Luuk 18:23

Wen di man ier dis, im aat jrap, kaaz im did wel rich.

2 Korintiyan 7:10

Kaaz ef sumadi a sin, an dem sari fi wa dem du laik ou Gad waahn dem fi sari, dem wi ton we fram dem sin an beg Gad fi paadn dem. An wen dem du dat Gad wi siev dem. Nobadi naa go se dem sari se dat apm. Bot ef sumadi a sin an no sari ou Gad waahn dem fi sari, dem a-go gwaan sin an dem naa go get siev. Dem a-go ded.

Ifiijan 5:5

Unu kyan nuo fi shuor se enibadi we sliip wid sumadi dem no marid tu, dem kyaahn tek paat iina di nais sitn dem we put op fi Gad piipl iina Faada Gad an Krais Jiizas kindom. Di siem ting go fi dem we du naasinis an dem we waahnti-waahnti (dem piipl de a worship faalz gad).

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.