Maak 10:19 - Di Jamiekan Nyuu Testiment

¹⁹ Yu nuo wa Muoziz Laa se, ‘No kil, no sliip wid nobadi we yu no marid tu, no tiif, no tel lai pan piipl, no chrik piipl fi tek we wa dem av, rispek yu faada an mada an du wa dem se.’ ”

Maak 10:19 ပူးပေါင်းရင်းမြစ်များ

Maak 10:18

Jiizas aks im se, “Wa mek yu kaal mi gud? Nobadi no gud, onggl Gad wan.

Luuk 18:20

Yu nuo di Laa dem: ‘No sliip wid nobadi we yu no marid tu, no kil, no tiif, no tel lai pan piipl an yu fi rispek yu faada an mada.’”

Ruoman 13:9

Di Laa dem: “No sliip wid nobadi we yu no marid tu, no kil, no tiif, no red yai aafa piipl tingz,” aal a dem de an di res a Laa dem, yu kuda put dem tugeda an mek wan Laa we se: “Lov yu nieba laik ou yu lov yuself.”

Ruoman 3:20

Evribadi a-go get ponish, kaaz Gad naa go mek tingz rait bitwiin yu an im jos chuu yu a fala di Laa. Di Laa kyaahn du dat, wa di Laa du a mek wi nuo se wi a sina.

Gyalieshan 4:21

Tel mi sopm, aal a unu we waahn fi fala di Laa an mek it kanchuol unu, unu no andastan wa di Laa a se?

Gyalieshan 5:14

Wen yu luk pan it, aal di Laa riili a tel unu fi du a fi “Lov unu nieba laik ou unu lov unuself.”

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

Jiemz 2:11

Kaaz di siem wan we tel wi se, “No sliip wid sumadi we a no yu waif ar yu ozban,” tel wi se, “No morda.” So iivn ef wi no sliip wid sumadi we a no wi waif, ar wi ozban, bot wi morda sumadi, wi brok di uol Laa siem wie.