Maak 10:14 - Di Jamiekan Nyuu Testiment

¹⁴ Wen Jiizas si dis, im get beks an se, “Lou di pikni dem mek dem kom! No chrai tap dem, kaaz Gad kindom a fi piipl we komiin laik dem likl pikni ya.

Maak 10:14 ပူးပေါင်းရင်းမြစ်များ

Matyu 19:14

Bot Jiizas se, “Lou di likl pikni dem, mek dem kom tu mi. No chrai tap dem, kaaz Gad kindom a fi piipl we komiin laik dem likl pikni ya.”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 18:4

Bot ef unu ombl unuself laik da lili pikni ya, den a unu a-go bi tap-a-tap iina Gad kindom.

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

2 Timoti 3:15

Fram yu a likl pikni yu nuo Gad wod we kuda mek yu waiz inof fi biliiv iina Jiizas Krais an mek im siev yu.

Revilieshan 14:5

Dem no tel no lai, an nobadi kyaahn paint no fingga pan dem.

2 Timoti 1:5

Mi memba ou yu chos iina Gad nof nof. Jos laik ou yu mada Yuunis an yu granmada Lai did biliiv iina Gad an did chos iina im nof nof tu. Mi shuor se jos laik dem yu biliiv an chos iina Gad nof nof tu.

Ifiijan 4:26

Ef unu get beks bout sopm, no mek dat kaaz unu fi sin. An no mek di die don an unu stil beks wid wan aneda.

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

1 Korintiyan 7:14

Gad tek di ozban we no biliiv iina im fi bi im pikni kaaz im waif a wan a im pikni. A siem so di waif we no biliiv, Gad tek ar fi bi im pikni kaaz ar ozban a fi im pikni. Ef Gad neva tek di ozban ar di waif we no biliiv iina im fi bi im pikni tu, fi dem pikni wudn bilang tu Gad. Bot chuu Gad tek dem az im pikni, fi dem pikni bilang tu im tu.

Ruoman 11:28

Kaaz di Juu dem did ton dem bak pan di Gud Nyuuz, dem a Gad enimi, an dat wok out gud fi unu we a no Juu. Bot dem a di piipl we Gad did pik an so im stil lov dem kaaz a dat im did pramis fi dem faada faada go bak se im wuda du.

Ruoman 11:16

Nou ef yu gi di fos paat a di bred tu Gad, a riili gi yu a gi im di uol a di bred; an ef yu gi op di ruut paat a wan chrii tu Gad, yu a gi im di branch dem tu.

Aks 3:25

Unu a di prafit dem pikni, an Gad did mek wan pramis tu unu faada faada dem an da pramis de a fi unu. Im tel Iebriyam se, ‘Mi a-go yuuz fi yu pikni dem fi bles aal a di piipl dem pan ort.’

Aks 2:39

Wa Gad pramis a fi unu an unu pikni dem an fi aal uu liv faar faar fram ya-so — a fi evribadi we Gad a-go kaal fi bi im pikni.”

Maak 8:33

Bot Jiizas ton roun an luk pan im ada falara dem, den im taak aad aad tu Piita an se, “Gu we fram mi Sietan! Yu naa tingk bout di sitn dem we Gad waahn, a onggl wa piipl waahn de pan fi yu main!”

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Matyu 5:10

Di piipl dem we ada piipl mek sofa jos kaaz dem liv ou Gad waahn piipl fi liv, Gad bles unu, kaa di gud sitn dem we Gad gi wen im ron piipl laif ou im waahn ron it, a dem sitn de unu a-go get.

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.