Maak 10:1 - Di Jamiekan Nyuu Testiment

¹ Afta Jiizas lef we im did de, im go paas Riva Jaadn an go iina di Judiya ieriya. Nof piipl kom tu im agen. An laik im aalwiez du, im tiich dem.

Maak 10:1 ပူးပေါင်းရင်းမြစ်များ

Jan 10:40

Im go bak kraas Jaadn Riva fi go a di plies we Jan did a baptaiz piipl iina di orliya die dem. Im tan de an no go no we afta im riich de.

Maak 4:2

An im yuuz som likl tuori an tiich dem uol iip a sitn. Im se tu dem se,

Jan 11:7

Afta dat, im se tu im falara dem se, “Kom mek wi go baka Judiya.”

Maak 6:34

Wen Jiizas kom outa di buot, im si di big big kroud a piipl pan di sii-said an im fiil sari fi dem, kaaz dem did komiin laik shiip we no av no shepad fi luk aafa dem. So im tiich dem nof sitn.

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Jan 18:20

“Mi taak fi evribadi ier mi,” Jiizas se tu im. “Mi tiich iina di Juu dem choch an iina di yaad we Gad ous de — we paat di Juu piipl dem miit op tugeda. Mi no aid an se notn.

Maak 6:6

An im kudn biliiv ou di piipl dem neehn biliiv iina im. Den Jiizas go roun an tiich iina di dischrik dem.

Maak 2:13

Jiizas go bak pan di sii-said an uol iip a piipl gyada op roun im, an im tiich dem.

Matyu 26:55

Da taim de, Jiizas se tu di kroud a piipl se, “A kom unu kom wid suod an big tik fi ares mi laik se mi a oul tiif an mordara?” Die iin die out unu si mi iina di yaad we Gad ous de a tiich, an unu no ares mi.

Maak 1:21

Lieta Jiizas an im falara dem lef go a Kyaporniyom. Pan di Sabat im go iina di Juu dem choch an staat fi tiich.

Maak 6:2

Pan di Sabat, im tiich iina di Juu dem choch. Uol iip a piipl we did ier im kudn biliiv dem iez. So dem aks, “A we da man ya get di sitn dem we im a tiich fram? Ou im so waiz? An di mirikl dem we im a wok, a we im get di powa fi du dem?

Maak 10:2

Som Farisii did waahn fi tes im. So dem kom tu im an aks im se, “Di Laa gi no man di rait fi brok op wid im waif?”

Maak 12:35

Jiizas did a tiich iina di yaad we Gad ous de. Im se, “Ou kom di Laa tiicha dem se di Krais a Dievid pikni?

Maak 14:49

Die iin die out mi de mongks unu a tiich iina di yaad we Gad ous de, an unu neva ares mi. Bot dem sopm ya afi apm so wa rait dong iina Gad wod kyan kom chuu.”