Maak 1:45 - Di Jamiekan Nyuu Testiment

⁴⁵ Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Maak 1:45 ပူးပေါင်းရင်းမြစ်များ

Matyu 28:15

So dem tek di moni an du wa dem tel dem fi du. An piipl stil a taak da tuori ya mongks di Juu dem op tu tide die ya.

Matyu 9:26

An da nyuuz de pred aal uova da ieriya de.

Matyu 9:31

Bot dem lef an tel evribadi iina da konchri de, bout wa Jiizas du fi dem.

Maak 2:13

Jiizas go bak pan di sii-said an uol iip a piipl gyada op roun im, an im tiich dem.

Maak 3:20

Nou Jiizas go baka di ous wich paat im did a stie an wan kroud a piipl did gyada op de, so im an im falara dem kudn get fi iit.

Maak 3:7

Den Jiizas an im falara dem lef out an go dong a di sii, an wan uol iip a piipl fram Gyalalii fala im. An fram Judiya,

Maak 7:36

Bot Jiizas aada di piipl dem no fi tel nobadi bout wa apm, bot dem kudn kip kwaiyat, dem pred it muo an muo.

Jan 6:2

Wan big kroud a piipl fala baka im, kaa dem si di powaful mirikl dem im did a wok an mek sik piipl get beta.

Taitos 1:10

Kaaz nof piipl de bout we naa no rispek fi dem we iina powa. Dem de piipl de lov taak fuulinish an chrai fi mek piipl biliiv wa dem se, an a di Juu dem gwaan so di muos.