Maak 1:39 - Di Jamiekan Nyuu Testiment

³⁹ So im go aal bout Gyalalii go priich iina di Juu dem choch an ron out diiman outa piipl.

Maak 1:39 ပူးပေါင်းရင်းမြစ်များ

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

Maak 1:21

Lieta Jiizas an im falara dem lef go a Kyaporniyom. Pan di Sabat im go iina di Juu dem choch an staat fi tiich.

Maak 1:23

Siem taim wan man we did iina di Juu dem choch we diiman did tek kanchuol a baal out,

Maak 1:38

So im ansa dem se, “Mek wi go a som ada plies iina di dischrik dem we de nier ya-so, so mi kyan priich tu dem tu, kaaz a dat mi kom out ya fi du.”

Maak 3:1

Wan neda die Jiizas go baka di Juu dem choch an wan man wid wan kripl an did de de.

Maak 6:6

An im kudn biliiv ou di piipl dem neehn biliiv iina im. Den Jiizas go roun an tiich iina di dischrik dem.

Maak 7:30

Wen shi riich uom shi si ar pikni lai dong pan ar bed an di diiman gaan outa ar.

Luuk 4:41

Diiman kom outa nof piipl an a shout, “Yu a Gad pikni!” Dem did nuo se im a di Krais, so Jiizas mek dem kyaahn se notn.