Maak 1:35 - Di Jamiekan Nyuu Testiment

³⁵ Orli orli iina di maanin, wen it did stil daak daak, Jiizas get op an go fain wan plies we nobadi no de, so im kuda tan de an prie.

Maak 1:35 ပူးပေါင်းရင်းမြစ်များ

Matyu 14:13

Nou wen Jiizas ier dis im tek wan buot an go we anda di kwaiyat. Im go wich paat nobadi neehn de. Bot wen di piipl dem fain dat out, dem lef fi dem toun an waak go wich paat im de.

Matyu 14:23

Afta im don sen we di kroud, im go op a di mountn go prie, im wan. Iivnin kom dong an a im wan did de de.

Maak 1:36

So Saiman an im fren dem staat luk fi im.

Luuk 5:16

Bot uol iip a taim Jiizas go we a wan plies we im kuda tan bai imself an prie.

Luuk 6:12

Wan die roun dem taim de, Jiizas go op pan wan il, an im spen di uol nait op de a prie tu Gad.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 6:15

Nou, chuu Jiizas did nuo se dem did waahn fi fuos im fi ton dem king, im lef de-so an go bak op iina di il.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

Filipiyan 2:5

Unu si siem laik ou Krais Jiizas tan, a siem so unu fi tan tu, an unu fi tingk jos laik ou im tingk:

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.