A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”
“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.
Nou lisn mi gud kaaz wa mi bout fi tel yu a no no lai bot a chuu sopm we di uol a wi fi tek an biliiv: Jiizas kom iina di worl fi siev sina. Luk pan mi, mi a did di wos kain-a sina an Gad siev mi.
“Ef enibadi ier wa mi se bot no du wa mi tel dem fi du, mi naa go rait dem aaf, kaa mi neehn kom ya fi rait aaf di piipl dem iina di worl; mi kom ya fi siev dem.
Bot ier wa mi a tel unu se, di piipl dem we du aal saat a wikidnis tu unu, lou dem mek dem gwaan. Ef sumadi baks unu kraas unu fies, pan di rait an said, ton di neks said gi dem.
