Luuk 9:48 - Di Jamiekan Nyuu Testiment

⁴⁸ Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Luuk 9:48 ပူးပေါင်းရင်းမြစ်များ

Luuk 14:11

Evribadi we put demself uova ada piipl, wi get pudong, bot ef yu ombl yuself, yu wi get big op.”

1 Piita 5:6

So unu fi ombl unuself anda Gad powaful an, so wen im redi im kyan bles unu.

Luuk 22:26

Bot unu no fi galang laka dem. Di wan we av di tap tap pozishan fi gwaan laik di wan we de a di batam, an di liida fi gwaan laik di sorvant.

Jan 13:20

Fi chuu chuu mi a tel unu se, enibadi we tek iin di sumadi mi sen tek mi iin tu, an enibadi we tek mi iin tek iin di wan we sen mi kom.”

Luuk 10:16

Fi don we im a se, Jiizas se tu im sevnti-tuu falara dem, “Enibadi we lisn tu unu lisn tu mi. Enibadi we ton dem bak pan unu, ton dem bak pan mi. Dem we ton dem bak pan mi ton dem bak pan di wan we sen mi.”

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

Jan 14:21

Di sumadi we nuo an du wa mi se, a dem lov mi. Mi Faada a-go lov di sumadi we lov mi. Mi a-go lov dem tu, an mi gweehn shuo dem a uu mi bi.”

Luuk 22:30

so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

Luuk 7:28

Mek mi tel unu dis, Jan biga dan enibadi we eva baan. Bot iivn di luowis sumadi iina Gad kindom, biga dan im.”

Maak 9:37

“Enibadi we tek iin wan a dem likl pikni ya kaaz im biliiv iina mi tek mi iin tu an enibadi we tek mi iin, a no jos mi dem a tek iin, dem a tek iin di wan we sen mi tu.”

Matyu 25:45

“Den im a-go ansa bak, ‘Mi tel unu dis an a chuu mi a taak, di siem wie unu neehn du dem sitn de fi wan a mi breda an sista dem we piipl se no wot notn, a siem so unu neehn du dem fi mi, kaa a laik a mi unu neehn elp wen unu neva elp dem.’

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 18:14

A siem so unu Faada we iina evn no waahn dem likl wan ya fi go chrie.

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Revilieshan 21:14

Di waal a di siti did bil op pan twelv big big stuon. An evri wan a di stuon dem did av di niem fi wan a di Biebi Shiip twelv apasl dem rait dong pan it.