Luuk 9:47 - Di Jamiekan Nyuu Testiment

⁴⁷ Jiizas did nuo wa dem did a tingk, so im mek wan pikni tan op saida im.

Luuk 9:47 ပူးပေါင်းရင်းမြစ်များ

Jan 16:30

A nou wi nuo se yu nuo evriting, an yu no niid nobadi fi aks yu notn. Siek-a dat, wi biliiv se a Gad sen yu kom iina di worl.”

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Luuk 5:22

Jiizas did nuo wa dem did a tingk an so im aks dem se, “Wa mek unu tingk dem sitn de iina unu aat?

Matyu 9:4

Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 2:25

Nobadi neehn afi tel im bout ou piipl tan, kaa im did nuo aredi we iina piipl aat.

Matyu 12:15

Bot Jiizas did nuo se dem a plan fi kil im an lef de-so. Wan bag a piipl fala im, an im get di uol a dem beta.