Luuk 9:44 - Di Jamiekan Nyuu Testiment

⁴⁴ “Ier wa mi a se an unu lisn mi gud! Dem a-go tek di Man we Gad Pik an gi im uova tu piipl we iet im.”

Luuk 9:44 ပူးပေါင်းရင်းမြစ်များ

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Maak 8:31

Den Jiizas staat tel im falara dem se, “Di Man we Gad Pik a-go afi go chuu nof nof sofarieshan, an di elda dem, di ed priis dem, an di Laa tiicha dem a-go ton dem bak pan im, an dem a-go kil im. Bot chrii die afta dat, im a-go kom bak alaiv.”

Maak 9:31

kaaz im did a tiich im falara dem. Im tel dem se, “Sumadi a-go sel out Di Man we Gad Pik an gi im uova tu piipl we iet im. Dem a-go kil im, bot chrii die afta dat, im a-go kom bak alaiv.”

Luuk 1:66

Dem did si se di Laad powa de pan im so evribadi we ier bout it wanda an aks, “A wa da pikni ya a-go ton out tu?”

Luuk 18:31

Jiizas tek im twelv falara dem wan said an tel dem se, “Wi a go op a Jeruusilem, an evriting di prafit dem rait dong bout di Man we Gad Pik a-go apm.

Luuk 2:19

Bot Mieri, shi kip wa dem se iina ar aat an tingk bout dem aal di taim.

Luuk 2:51

Afta dat Jiizas go bak uom a Nazaret wid dem an im du evriting dem tel im fi du. An im mada kip aal a dem sitn de iina ar aat.

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Luuk 9:22

Im se, “Di Man we Gad Pik a-go a fi go chuu nof nof sofarieshan, an di elda, ed priis, an Laa tiicha dem a-go ton dem bak pan im, an dem a-go kil im. Bot afta chrii die paas, im a-go kom bak alaiv.”

Jan 16:31

“Unu biliiv mi nou?” Jiizas se tu dem.

Jan 16:4

Mi a tel unu dem sitn ya, so dat wen di taim kom, unu wi memba se mi did waan unu. “Mi neehn tel unu bout aal a dem sitn ya fram di staat, kaa mi did stil de mongks unu.

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Iibruu 2:1

Siek-a dat, wi afi lisn di Gud Nyuuz we wi did ier nou muo dan wi yuus tu, so wi no chrie.