Luuk 9:43 - Di Jamiekan Nyuu Testiment

⁴³ Evribadi jaa jrap wen dem si di powa we Gad av. Wen dem a luk an a wanda bout wa dem si, Jiizas se tu im speshal falara dem,

Luuk 9:43 ပူးပေါင်းရင်းမြစ်များ

Matyu 17:22

Wen dem kom tugeda a Gyalalii, Jiizas se tu dem se, “Dem a-go tek di Man we Gad Pik, sel im out an gi im tu piipl we iet im.

Maak 6:51

Den im go iina di buot wid dem, an di briiz tap. An dem did shak so til,

Luuk 18:43

Siem taim im kuda si an im fala baka Jiizas a priez Gad. Afta di piipl si wa apm, dem priez Gad tu.

Luuk 4:36

Aal a di piipl dem shak an se tu dem wan aneda, “Bot a wa dis ya? Im av di rait an di powa fi aada diiman fi kom outa piipl an dem kom out!”

Luuk 5:26

Evribadi fraitn bout wa dem si an staat fi priez Gad. Dem se, “Wi si som big mirikl tide.”

Luuk 5:9

Saiman an aal a di man dem we did de de wid im shak wen dem si di iip a fish we dem kech.

Luuk 8:25

“We unu chos iina mi de?” Jiizas aks dem. Dem so fraitn wen dem si wa Jiizas du, dem aks dem wan aneda, “Tap! a wa kain-a man dis? Im taak tu aal briiz an wiev an dem du wa im tel dem fi du?”

Luuk 9:42

Wen di bwai did a kom tu Jiizas, di diiman fling im a grong an di bwai staat flata. Bot Jiizas aada di diiman fi kom out an im kyuor di bwai an gi im bak tu im faada.

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.