Luuk 9:41 - Di Jamiekan Nyuu Testiment

⁴¹ Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi fi tan ya wid unu, an put op wid unu? Kyari yu bwai kom,” im se tu di man.

Luuk 9:41 ပူးပေါင်းရင်းမြစ်များ

Jan 20:27

Den im se tu Tamas se, “Put yu fingga ya-so an luk pan mi an dem. Chrech out yu an an put it iina mi said. Tap if-an-bot, an biliiv wa yu si.”

Jan 14:9

So Jiizas se tu im se: “Yu no nuo mi, Filip, afta mi de mongks unu fi so lang? Enibadi we si mi si di Faada tu. Ou yu fi a aks mi se, ‘Shuo wi di Faada’?

Maak 9:19

Jiizas se tu dem se, “Unu piipl iina da taim ya! Unu no biliiv! Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Matyu 17:17

Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.

Iibruu 3:19

So wi si se dem neehn get di piis we Gad gi, an dem neehn get fi go a di plies we dem kyan res, jos kaaz dem neehn biliiv iina im laik ou dem fi biliiv.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

Aks 13:18

Fi bout faati ier, out iina di bush we nobadi neva liv, im tek kier a dem an put op wid dem bad brok wie.

Aks 2:40

Piita yuuz nof ada wod fi waan dem an fi beg di piipl dem se, “Unu fi tek we unuself fram mongks di wikid piipl we a liv iina dem taim ya, so dat di ponishment we a-go kom pan dem no riich unu tu.”

Luuk 8:25

“We unu chos iina mi de?” Jiizas aks dem. Dem so fraitn wen dem si wa Jiizas du, dem aks dem wan aneda, “Tap! a wa kain-a man dis? Im taak tu aal briiz an wiev an dem du wa im tel dem fi du?”

Matyu 16:4

Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik we did apm wid Juona.” Den Jiizas lef dem an go we.

Matyu 12:39

Bot Jiizas ansa dem se, “Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik wa did apm wid Juona di prafit.

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Maak 10:49

So Jiizas tap an se, “Kaal im.” So dem kaal di blain man an tel im se, “Tek aat! Git op! Im a kaal yu.”

Maak 10:14

Wen Jiizas si dis, im get beks an se, “Lou di pikni dem mek dem kom! No chrai tap dem, kaaz Gad kindom a fi piipl we komiin laik dem likl pikni ya.

Matyu 23:36

A tel unu dis ya, an a chuu mi a taak, da set a piipl ya, we a liv iina da taim ya, a unu a-go pie fi aal a dem sitn ya!

Matyu 12:45

Den di wikid spirit go we go bring bak sevn muo spirit we wosa dan it an di uol a dem go iin de go liv. So nou, da sumadi de wosaraaf dan bifuo. A siem so it a-go go fi di wikid set a piipl dem fram da taim ya!”

Matyu 11:28

“Aal a unu we taiyad an bordn dong unu kom tu mi an mi wi mek unu get fi res.

Luuk 9:40

Mi beg yu speshal falara dem fi ron out di spirit bot dem kudn dwi'it.”

Luuk 9:42

Wen di bwai did a kom tu Jiizas, di diiman fling im a grong an di bwai staat flata. Bot Jiizas aada di diiman fi kom out an im kyuor di bwai an gi im bak tu im faada.