Luuk 9:39 - Di Jamiekan Nyuu Testiment

³⁹ Somtaim wan spirit wi tek im uova an im wi staat fi baal out; it mek im flata flata til im mout fraat op. Di spirit aadli lef im. It a mash im op.

Luuk 9:39 ပူးပေါင်းရင်းမြစ်များ

Luuk 8:29

Im se dat kaaz Jiizas did staat fi tel di diiman fi kom outa im. (Uol iip a taim di diiman did tek im uova. So piipl yuus tu chien op im an an fut dem, an gyaad im. Bot im wuda brok outa di chien dem an di diiman wuda kyari im go wich paat nobadi no de.)

Luuk 4:35

“Kiba yu mout!” Jiizas se iina wan siiros vais. “Kom outa di man!” Di diiman fling dong di man fronta evribadi an kom out bot neva ort di man.

Maak 9:26

Di spirit baal out an shiek di bwai aad aad an kom outa im. Afta im kom out di bwai luk laik wan ded man an nof a di piipl dem se, “Im ded!”

Maak 9:20

So dem kyari di bwai tu im. Wen di diiman si Jiizas, im mek di bwai staat shiek aad aad siem taim. Im jrap a grong, staat ruol bout, an im mout staat fraat op fraat op.

Revilieshan 9:11

Dem did av wan king. A im a di ienjel fi di pit. Iina di Iibruu langwij, im niem Abadan. An iina di Griik langwij im niem Apaliyan.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

Maak 9:18

Enitaim di diiman tek kanchuol a im, it mek im fling dong imself a grong, im mout fraat op fraat op, im grain im tiit an tifn op imself. Mi beg yu falara dem fi ron out di spirit, bot dem kudn dwi'it.”

Luuk 9:38

Wan man iina di kroud baal out, “Tiicha, beg yu luk pan mi bwai. Im a mi wan an onggl pikni.

Luuk 9:40

Mi beg yu speshal falara dem fi ron out di spirit bot dem kudn dwi'it.”