Luuk 9:33 - Di Jamiekan Nyuu Testiment

³³ Wen di man dem mek fi lef, Piita se tu Jiizas, “Tiicha, a gud ting se wi did de ya! Mek wi bil op chrii shed, wan fi yu, wan fi Muoziz an di neks wan fi Ilaija.” (Piita neehn riili nuo wa im a taak bout.)

Luuk 9:33 ပူးပေါင်းရင်းမြစ်များ

Matyu 17:14

Wen dem kom dong wich paat di kroud de, wan man kom kom niil dong infronta Jiizas,

Matyu 17:4

So Piita se tu Jiizas se, “Laad, a gud ting se wi de ya man! Ef yu waahn, mi wi mek chrii shed — wan fi yu, wan fi Muoziz an wan fi Ilaija.”

Maak 10:38

Bot Jiizas tel dem se, “Unu no nuo wa unu riili a aks! Unu kyan jringk wa mi bout fi jringk ar get baptaiz laik ou mi a-go get baptaiz, a sofa mi a-go sofa yu nuo?”

Luuk 5:5

Saiman ansa, “Tiicha, wi wok aad uol nait an wi no kech notn. Bot sins yu se so, mi wi du wa yu se.”

Luuk 9:34

Siem taim Piita a chat, wan kloud kom dong kom kova dem op, an dem kech dem fried.

Luuk 9:49

“Laad,” Jan se, “Wi si wan man a yuuz yu niem ron out diiman outa piipl an wi chrai fi tap im, kaaz im a no wan a wi.”

Jan 14:8

Filip se, “Laad, mek wi si di Faada an wi wi satisfai wid dat.”

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.